18區互動地圖 — 撳你住嗰區即刻睇詳情
喺下面地圖直接撳你想睇嘅區，或者用下拉選單揀都OK。綠色 = 空缺多 ｜ 黃色 = 中等 ｜ 橙色 = 較少。
其他人都喺度睇
本季熱門：1. 聖誕臨時售貨員（全港商場）2. 國慶旅遊區零售（尖沙咀）3. 聖誕佈置散工（各區）
18區學生兼職速覽表
全港18區學生兼職時薪大約由$50至$120不等，港島區（灣仔、中環）同九龍核心區（油尖旺、觀塘）空缺最多時薪亦較高，新界同離島時薪平$3-8但交通費慳返唔少。以下數據來自Jobsdb、Parttime.hk、Moovup等公開招聘平台標示，實際以僱主offer為準。
| 地區 | 區域 | Top 3 工種 | 時薪範圍 | 供應 | 主要MTR | 代表商場/僱主 |
|---|---|---|---|---|---|---|
| 中西區 | 港島 | 文職、餐飲、零售 | $60-95 | 中 | 中環、上環、西營盤 | IFC、置地廣場、中環街市 |
| 灣仔 | 港島 | 活動、零售、餐飲 | $65-120 | 高 | 灣仔、會展 | 會展中心、時代廣場、利園 |
| 東區 | 港島 | 零售、餐飲、補習 | $55-80 | 高 | 太古城、鰂魚涌、北角 | 太古城中心、康怡廣場 |
| 南區 | 港島 | 主題樂園、餐飲、零售 | $55-75 | 低 | 海洋公園、黃竹坑 | 海洋公園、The Southside |
| 油尖旺 | 九龍 | 零售、餐飲、推廣 | $58-90 | 高 | 尖沙咀、旺角、油麻地 | 海港城、朗豪坊、K11 MUSEA |
| 深水埗 | 九龍 | 餐飲、倉務、零售 | $52-72 | 中 | 深水埗、長沙灣、荔枝角 | V Walk、黃金電腦商場 |
| 九龍城 | 九龍 | 補習、餐飲、零售 | $55-80 | 中 | 九龍塘、樂富、土瓜灣 | Festival Walk、黃埔花園 |
| 黃大仙 | 九龍 | 零售、餐飲、倉務 | $52-70 | 低 | 黃大仙、鑽石山 | 荷里活廣場、新蒲崗工廈 |
| 觀塘 | 九龍 | 倉務、零售、文職 | $55-82 | 高 | 觀塘、九龍灣、牛頭角 | APM、德福廣場、MegaBox |
| 葵青 | 新界 | 倉務、物流、零售 | $55-75 | 中 | 葵芳、葵興、青衣 | 青衣城、新都會廣場 |
| 荃灣 | 新界 | 零售、補習、餐飲 | $55-78 | 中 | 荃灣、大窩口、荃灣西 | 荃新天地、如心廣場 |
| 屯門 | 新界 | 零售、餐飲、補習 | $50-70 | 中 | 屯門、兆康 | V city、屯門市廣場 |
| 元朗 | 新界 | 零售、餐飲、便利店 | $50-72 | 中 | 元朗、朗屏、天水圍 | YOHO Mall、嘉湖銀座 |
| 北區 | 新界 | 零售、餐飲、便利店 | $50-68 | 低 | 上水、粉嶺 | 上水廣場、粉嶺名都 |
| 大埔 | 新界 | 補習、餐飲、文職 | $55-78 | 中 | 大埔墟、太和 | 大埔超級城、科學園 |
| 沙田 | 新界 | 零售、補習、餐飲 | $55-85 | 高 | 沙田、大圍、馬鞍山 | 新城市廣場、圍方 |
| 西貢 | 新界 | 餐飲、零售、補習 | $55-75 | 低 | 將軍澳、坑口、寶琳 | PopCorn、THE LOHAS |
| 離島 | 離島 | 主題樂園、零售、餐飲 | $58-85 | 低 | 東涌、迪士尼 | 迪士尼樂園、東薈城 |
數據來源：Jobsdb、Parttime.hk、Moovup、CTgoodjobs 公開職位列表
季節搵工貼士
冬季貼士：12-2月聖誕加農曆新年，短期工最多但要注意合約條款，有d老細會用「試用期」藉口壓低時薪，簽野前睇清楚
地區搵工風險提示
冬季預警：聖誕短期工好多係經中介搵，留意中介有冇扣你時薪超過10%，正常中介費由僱主俾唔應該扣你人工
常見問題
住新界西搵兼職係咪好難？
唔一定㗎。屯門同元朗雖然商業區少d，但V city、YOHO Mall呢d大型商場都長期請人，而且競爭比市區細，見工成功率反而高。時薪可能平$3-5但省返車錢都差唔多。天水圍嘅同學可以留意嘉湖銀座同+WOO，唔使特登出市區搵。根據勞工處互動就業服務資料，新界西全年空缺量維持喺全港第四至第六位。
邊個區既學生兼職時薪最高？
根據公開招聘平台數據，灣仔（會展活動工$80-120）、中環（文職助理$60-95）、尖沙咀（旅遊零售$60-90）三個區平均時薪長期排頭三。灣仔會展嘅活動工時薪確實冠絕全港，不過通常做一兩日，唔算穩定收入。想長期高時薪嘅話，補習導師始終係性價比最高嘅選擇。
暑假邊區最多兼職空缺？
觀塘、油尖旺、沙田三個區既兼職空缺長期排頭三。觀塘工業區倉務物流多，油尖旺零售飲食最爆，沙田就因為新城市廣場加中大需求。暑假全港都缺人，就算住北區大埔都唔難搵——重點係幾時開始投。建議睇埋暑期工完整攻略，5月中開始準備最穩陣。
尖沙咀旅遊區搵工要注意咩？
尖沙咀零售同餐廳好多要求識講英文甚至普通話，如果你外語OK會好有優勢。時薪通常比同區其他位高$5-10，但週末同假期一定冇得放。